სემეკი „თელმიკოსა“ და „თელასის“ შემოწმებას დღეიდან იწყებს

იმის დასადგენად, არსებობს თუ არა ხარვეზები ენერგოკომპანიებში, სემეკი „თელმიკოსა“ და „თელასის“ შემოწმებას დღეიდან იწყებს. მათ მიერ აბონენტებისადმი დარიცხულ დავალიანებებს სემეკი დღეიდან 1 თვის განმავლობაში შეისწავლის.

ენერგეტიკისა და წყალმომარაგების მარეგულირებელი ეროვნული კომისიაში აცხადებენ, რომ მომხმარებლებს ზედმეტად გადახდილი თანხები ბალანსზე უკან დაუბრუნდებათ.

ბოლო თვეებში ასობით მომხმარებელი აღნიშნავს, რომ ელექტროენერგიის არაადეკვატურად გაზრდილი გადასახადი მისდის. დეკემბერსა და იანვარში გაზრდილი გადასახადის გამო, სემეკში, უკმაყოფილო მოქალაქეების უამრავი საჩივარია შესული.