კოსმოსური ტექნოლოგიების ამერიკული კომპანია Maxar Technologies სატელიტურ სურათებს აქვეყნებს და ამბობს, რომ ფოტოებზე უკრაინის საზღვრებთან 100-ზე მეტი სამხედრო მანქანის და ათობით სამხედრო კარვის ახალი განლაგებაა ასახული.
კომპანია კვირების განმავლობაში ადევნებდა თვალს რუსული ძალების ფორმირებას. Reuters-ი წერს, რომ მათი ფოტოების დამოუკიდებლად გადამოწმება ვერ შეძლეს.
მძიმე ტექნიკის გადასატანი აღჭურვილობა, კლინცი. 2022 წლის 22 თებერვალი
სურათები, ასევე, აჩვენებს, რომ ახალი საველე ჰოსპიტალი დაემატა სამხედრო გარნიზონს, საზღვართან ახლოს, თქვა კომპანიამ განცხადებაში:
22 თებერვლის ფოტო, სავარაუდოდ, ასახულია აწყობილი მანქანები აეროდრომზე, სამხრეთ ბელარუსში.
რუსეთი და ბელარუსი ბოლო დღეების განმავლობაში მასიურ წვრთნებს ატარებენ. სურათების გავრცელებასთან დაკავშირებით არცერთ ქვეყანას ჯერ კომენტარი არ გაუკეთებია.
უკრაინის ოკუპირებული ტერიტორიების აღიარების შემდეგ დასავლეთი ისევ შიშობს, რომ შესაძლოა, მოსკოვი სრულმასშტაბიანი შეჭრისთვის ემზადებოდეს.
კომენტარები