,,სასკოლო ექსკურსიებისათვის სახელმწიფოს მიერ დადგენილი რეგულაციების გამო არანორმალურ თანხებს ითხოვენ მძღოლები“ – არჩილ გამზარდია

ანალიტიკოსი არჩილ გამზარდია:

,,სასკოლო ექსკურსიებისათვის სახელმწიფოს მიერ დადგენილი რეგულაციების გამო არანორმალურ თანხებს ითხოვენ მძღოლები.

სახელმწიფო, როგორც ყოველთვის, ვითომდა სიკეთის სახელით ბოროტებას აკეთებს.

ახლო ტერიტორიებზეც კი გასვლა სასწაული ფასები ჯდება, ზოგ ოჯახში რამდენიმე ბავშვია და ალბათ, ბევრს ამის შესაძლებლობა არ აქვს.

სასკოლო ექსკურსია, ეს არ არის უბრალოდ გართობა, ეს არაფორმალური განათლების ნაწილია, რომელიც მუშაობს მოსწავლების ინტერპერსონალური ურთიერთობების და ზოგადად, კომუნიკაციის განვითარებაზე, არაპროგრამულ განათლებაზე, გუნდური უნარების დახვეწაზე, მასწავლებლების, მოსწავლეებისა და მშობლების ურთიერთობაზე, მოსწავლეთა სოციალიზაციაზე და ა.შ.

აი, ამ მნიშვნელოვანი შესაძლებლობის წინააღმდეგ მუშაობს ხელისუფლება, რომლის მიერ დაწესებული რეგულაციები არა იმდენად უსაფრთხოების გაძლიერებაზე მუშაობს, არამედ მოსწავლეთა ინტერესების წინააღმდეგ.

რეგულაციების “დამკმაყოფილებელი” მძღოლები კი ისეთ ფასებს ითხოვენ, რომ სამართლიანობის, ეთიკისა და წესიერების ყველა ზღვარს ცდება.”