“საქართველოს მეცნიერებათა აკადემია არის პარაზიტი ორგანიზაცია, რომელიც არ ქმნის არანაირ პროდუქტს და ბიუჯეტიდან ჭამს ფულს” – წერს სოციალურ ქსელში “ნაციონალური მოძრაობის” დეპუტატი რომან გოცირიძე.
გოცირიძის აღშფოთება გამოიწვია მეცნიერებათა აკადემიის ეროვნულ პრობლემათა შემსწავლელი კომისიის სხდომის მოხსენებამ, სადაც წერია, რომ მეოცე საუკუნის გეოპოლიტიკური უდიდესი ტრაგედია იყო საბჭოთა კავშირის დაშლა.
“საქართველოს მეცნიერებათა აკადემია არის პარაზიტი ორგანიზაცია, რომელიც არ ქმნის არანაირ პროდუქტს და ბიუჯეტიდან ჭამს ფულს. იგი დაუყოვნებლივ უნდა გაუქმდეს (ანუ შეუწყდეს სახელმწიფო დაფინანსება). გარდა ფინანსური პარაზიტობისა, იდეოლოგიურ დივერსიასაც ეწევიან. ამაზე მათ მიერ დღეს გამოქვეყნებული დოკუმენტიც მოწმობს,” – წერს რომან გოცირიძე.
კომენტარები