სამხრეთ კორეულმა კომპანია Samsung-მა სმარტფონების დასახელებებიდან ასო Z-ს ამოღება დაიწყო. ეს ასო მასიურად გამოიყენება, როგორც უკრაინის წინააღმდეგ რუსეთის ფედერაციის ომის მხარდაჭერის სიმბოლო. ამის შესახებ Gorduna.ua წერს.
მწარმოებელმა უკვე ამოიღო ბრენდინგიდან ასო Z ლიტვის, ლატვიისა და ესტონეთის ოფიციალური ვებსაიტებიდან. ახლა იქ, Galaxy Z Fold3 5G დასაკეცი ეკრანის მქონე სმარტფონს ჰქვია Galaxy Fold3 5G, ხოლო Galaxy Z Flip3 5G-ს ჰქვია Galaxy Flip3 5G.
კომპანიამ ანალოგიური რებრენდინგი თავის უკრაინულ ვებსაიტზეც განახორციელა.
ჟურნალისტების თქმით, კომპანიამ შესაძლოა მალე სმარტფონების სახელები თავის საიტებზე მთელ ევროპაში შეცვალოს. თავად Samsung-ს ჯერ არ გაუკეთებია ოფიციალური განცხადება ამ საკითხთან დაკავშირებით.
კომენტარები