“საკურნებლად სულისა და ხორცისა,” ბატონო მიხეილ – ბექა ჩხაიძე

ყოველ დღე ჩუმად ვლოცულობდით იმის შიშით, ხატები არ ჩამოეხიათ ბადრაგებს. მამები შემოდიოდნენ და აღსარების მიხედვით გვაზიარებდნენ,“- ასე ეხმაურება პატიმრობაში მყოფი ექსპრეზიდენტის ზიარების ფაქტს ყოფილი პატიმარი ბექა ჩხაიძე.

ჩხაიძე იხსენებს, რომ სააკაშვილის რეჟიმის ციხეებში, პატიმრებისათვის ზიარების მიღება შეუძლებელი იყო.  „იმ ციხეში, სადაც სააკაშვილის რეჟიმი სისხლის გუბეებს აყენებდა, სულს რომ ღაფავდნენ ბიჭები და ბოლო წუთები ჰქონდათ დარჩენილი, იმათ არ აძლევდნენ ზიარების საშუალებას სისხლისმსმელი ბადრაგები, ისე იხოცებოდნენ ის საცოდავი პატიმრები.
“საკურნებლად სულისა და ხორცისა ” ბატონო მიხეილ,  მაგრამ,თქვენი აღსარება თუ ასე 15 წუთში იქნა მონანიებული სამოთხეში ვყოფილვართ უკვე მთელი ერი და რაღა აზრი აქ მოძღვართან ურთიერთობას და ეკლესიაში სიარულს თქვენო უსამღვდელოესობავ ბატონო მეუფევ?“- მიმართავს მეუფე ნიკოლოზს ბექა ჩხაიძე.

დღეს, პატიმრობაში მყოფი ექსპრეზიდენტი მიხეილ სააკაშვილი  ახალციხის და კუმურდოს მიტროპოლიტმა, მეუფე ნიკოლოზმა (ფაჩუაშვილი) მოინახულა.
როგორც მეუფემ განაცხადა, 40-დღიანი მარხვის შემდეგ მან ყოფილი პრეზიდენტი აზიარა.
„40 დღე იმარხულა ამ ადამიანმა, იმარხულა მშრალი მარხვით, ამის შემდეგ მან თქვა აღსარება და ეზიარა.
ვისაც თვალში ეცოტავება, 40 დღე იმარხულეთ და შემდეგ თქვით აღსარება, ეზიარეთ და ნახავთ, რა ღვაწლი გაწია. ეს არის ძალიან დიდი ღვაწლი, რაც ამ ადამიანმა გასწია,“- განაცხადა მეუფე ნიკოლოზმა.