გაერთიანებული ერების ორგანიზაციის სპეციალიზებული დაწესებულების სტატუსის მქონე საერთაშორისო ორგანიზაცია საერთაშორისო სავალუტო ფონდი 25 ქვეყანას კორონავირუსის წინააღმდეგ ბრძოლაში დაეხმარება. ორგანიზაციის მიზანია გააღრმავოს გლობალური მონატერული თანამშრომლობა, შეინარჩუნოს ფინანსული სტაბილურობა, ხელი შეუწყოს საერთაშორისო ვაჭრობას და დასაქმების დონის ამაღლებას, უზრუნველყოს ეკონომიკური განვითარების მზარდი ტემპი და შეამციროს სიღარიბის დონე. კორონავირუსი საფრთხეს უქმნის არა მარტო ადამიანების სიცოცხლეს და ჯანმრთელობას, არამედ ანადგურებს ქვეყნების ეკონომიკას.
საერთაშორისო სავალუტო ფონდმა მზაობა გამოთქვა ნაკლებად განვითარებული ქვეყნების დასახმარებლად ფულადი სახსრები გამოეყო. ფონდმა 25 ყველაზე „ღარიბი და მოწყვლადი წევრებისთვის“ დასახმარებელი გეგმა შეადგინა. ეს ქვეყნებია: ავღანეთი, ბენინი, ბურკინა ფასო, ცენტრალური აფრიკის რესპუბლიკა, ჩადი, კომოროსი, კონგოს დემოკრატიული რესპუბლიკა, გამბია, გვინეა, გვინეა-ბისაუ, ჰაიტი, ლიბერიის რესპუბლიკა, მადაგასკარი, მალავი, მალი, მოზამბიკი, ნეპალი, ნიგერია, რუანდა, სან-ტომე და პრინსიპი, სიერა-ლეონეს რესპუბლიკა, სოლომონის კუნძულები, ტაჯიკეთი, ტოგო და იემენი.
ფონდი მზადაა ქვეყნების დასახმარებლად 500 მილიონი დოლარი გამოყოს.
კომენტარები