საქართველოს ყოფილი პრეზიდენტი გვიან ღამით მისმა პირადმა ექიმმა მოინახულა. ნიკოლოზ ყიფშიძის შეფასებით, მიხეილ სააკაშვილის მდგომარეობა შედარებით მძიმეა, ვიდრე წინა დღეებში. მან ისაუბრა შიმშილობის შესაძლო შეწყვეტასთან დაკავშირებულ რისკებზე და აღნიშნა რომ რეაბილიტაცია არის რთული და საფრთხის შემცველი.
“კალიუმი იყო ძალიან დაბალი, კრიტიკულ დონეზე იყო, მოგვიხდა წამლის ტაბლეტირებული ფორმების გამოყენება. ასევე, პრობლემები აქვს წნევასთან, მაღალი წნევა ჰქონდა.
ვთქვათ, შევწყვიტეთ შიმშილობა, გადავიყვანეთ საავადმყოფოში, მისი მკურნალობა არის ურთულესი პროცესი, შეიძლება დაგვჭირდეს საზღვარგარეთიდან სპეციალისტების ჩამოყვანა, რომ პრეზიდენტმა დაიწყოს ნელ-ნელა ჭამა,” – ამბობს ნიკოლოზ ყიფშიძე.
კომენტარები