საქართველოს მესამე პრეზიდენტის, მსჯავრდებულ მიხეილ სააკაშვილის ჯანმრთელობის მდგომარეობის მონიტორინგის მიზნით, ორგანიზაცია “ემპათია” ალტერნატიულ სამედიცინო კომისიას ქმნის.
ჯგუფში რამდენიმე პროფილის ექიმი გაერთიანდება.
“ემპათიის” ხელმძღვანელი, მარიამ ჯიშკარიანი განმარტავს, რომ მედიკოსები მზად არიან, არა მხოლოდ გააკონტროლონ და შეაფასონ მესამე პრეზიდენტის მდგომარეობა, არამედ აუცილებლობის შემთხვევაში, საჭირო სამედიცინო დახმარებაც გაუწიონ.
“არ შეიძლება ამ ადამიანის დაყოვნება 1 საათითაც კი იმ დაწესებულებაში, სადაც არის. ციხის ისტორიაში წერია, რომ მას აქვს მსუბუქფორმაში გადატანილი კოვიდი, რასაც ჩვენ ვერანაირად ვერ დავეთანხმებით, ვინაიდან ჰოლანდიაში, სამედიცინო ბარათში გარკვევით წერია, რომ კოვიდი იყო მძიმე, მას ფილტვების მდგომარეობის გამო დასჭირდა პულმონოლოგის მონიტორინგი, შესაბამისად აუცილებელია, გაგრძელდეს ეს მონიტორინგი.
ძალიან დიდი რისკია და ამიტომ ადამიანი უნდა იყოს იქ, სადაც უნდა იყოს და ასეთი გაყოფილება არის ინტენსიური თერაპიის განყოფილება.
ახლა რომ მოწყობა დაიწყეს ციხის მე-18 დაწესებულებაში ამდაგვარი განყოფილების, ეს არის ძალიან სასაცილო და არის სწორედ პოლიტიკური ნიშნით დისკრიმინაციული მიდგომა, ადამიანზე ფსიქოლოგიური სადამსჯელო ზემოქმედება”,- ამბობს მარიამ ჯიშკარიანი.
კომენტარები