„დღეს, მორიგ ჯერზე კიდევ ერთხელ დადასტურდა, რომ სააკაშვილი, თუნდაც დაბრუნდეს ხელისუფლებაში, არაფერს გააკეთებს ამ მთავარი მავნებლების წინააღმდეგ,” – ასე ეხმაურება სოციალურ ქსელში თეოლოგი ბექა მინდიაშვილი საქართველოს ყოფილი პრეზიდენტის განცხადებას ანტივაქსერი სასულიერო პირების შესახებ.
თეოლოგი აღნიშნავს, რომ სააკაშვილი კვლავ ცდილობს და მომავალშიც შეეცდება საპატრიარქოს გულის მოგებას.
„პირიქით, ისევ იმ რამდენიმე ადამიანს დაესმხება თავს, ვინც მათ ეწინააღმდეგება, ისევ იმ სიბრიყვეს ჩაიდენს, რასაც ხელისუფლებაში ყოფნისას ცდილობდა, ისევ ყველანაირად შეეცდება მათი გულის მოგებას – შევარდნაძესთან ერთად, პირადად მის სინდისზეა საპატრიარქოს ამხელა ბოროტებად გადაქცევა, პირადად მან ჩაახშო 2003 -2004 წლებში, სემინარიაში დაწყებული საპროტესტო მოძრაობა, რომელიც დღითიდღე მეტ და მეტ ძალას იკრებდა,“- წერს ბექა მინდიაშვილი.
ცნობისათვის, საქართველოს ყოფილმა პრეზიდენტმა, მიხეილ სააკაშვილმა ემიგრანტებთან შეხვედრისას განაცხადა, რომ ვაქცინაციის პროცესის წარუმატებლობაზე საუბრისას, სასულიერო პირებზე ისრების გადატანა არასწორია.„ვერანაირი 5, 10, 30 ბნელი მღვდელი და შემოგზავნილი ვერ გადაწონის იმას, რაც არის სახელმწიფოს ფუნქცია და არ არის საჭირო ისრების გადატანა,“- განაცხადა სააკაშვილმა.
კომენტარები