საპარლამენტო უმრავლესობის წევრი რატი იონათამიშვილი სოციალურ ქსელში მიხეილ სააკაშვილის მიერ დღეს სასამართლო პროცესზე გაკეთებულ განცხადებას ეხმიანება:
„პატიმარი სააკაშვილი: “ერთი სიტყვით, ინვალიდიზაცია, ჩემს შემთხვევაში ნიშნავს ინვალიდის ეტლში მიღებულ ადამიანს…”
ახლა, გასაგებია, საიდან მოდის ამ დისკრიმინაციული და სიძულვილით სავსე ენის ტირაჟირება სააკაშვილის სპიკერების მხრიდან.
სინამდვილეში, შეზღუდული შესაძლებლობა იმის გამო კი არ აქვს პირს, რომ რაიმე უნარი აქვს შეზღუდული (ყველა უნარი არც ერთ ჩვენთაგანს არ აქვს განვითარებული), არამედ სოციალურ გარემოში საჭიროებს თანაბარი შესაძლებლობის უზრუნველყოფას.
გასაგებია, რომ ამ ყველაზე მიუღებელი და დისკრიმინაციული ხერხით ცდილობს სააკაშვილი სასჯელისლგან თავის არიდებას, მაგრამ ისიც ფაქტია, რომ ამასობაში, ავლენს მის გაცნობიერებულ ზიზღს შშმ პირებისა და შეზღუდული შესაძლებლობის მიმართ.
P.S. “ინვალიდის ეტლი” არ არსებობს, არსებობს ეტლი, რომელიც შეიძლება იყოს აქტიური, სპორტული მექანიკური, ელექტრო და სხვა. და სამწუხაროდ, არსებობენ ბოროტი ადამიანები, რომლებიც ფიქრობენ, რომ შშმ პირები არ არიან სრულფასოვანი მოქალაქეები და, თუ შშმ პირად წარმოაჩენენ თავს, ამით გამოიწვევენ სიბრალურს! ფაქტია, სააკაშვილი, მენტალურად საბჭოთა კავშირის ერთგული შვილია“ – წერს იონათამიშვილი.
კომენტარები