რუსეთის მიერ იტალიისთვის გამოგზავნილი დახმარება კორონავირუსის გავრცელების შესაჩერებლად გამოუსადეგარი აღმოჩნდა – ამის შესახებ რომაელი მაღალჩინოსანი პოლიტიკოსები აცხადებენ.
რუსეთის ხელისუფლების გადაწყვეტილებით კორონავირუსისგან იტალიის ყველაზე დაზარალებულ რეგიონში, ლომბარდიაში გამოაგზავნეს სამხედრო მანქანები, სადაც მოწყობილი იყო სამედიცინო მედპუნქტები, რომლებიც უნდა გამოეყენებინათ დაზარალებული პაციენტების დასახმარებლად და აგრეთვე იტალიელი კოლეგების შესაბამისი რაოდენობის სამედიცინო აღჭურვილობით მოსამარაგებლად.
იტალიელი პოლიტიკოსების განცხადებით, რუსეთის მიერ გამოგზავნილი აღჭურვილობა კორონავირუსთან საბრძოლველად გამოუსადეგარია. დახმარება, რომელიც გამოაგზავნეს რუსეთიდან, ჩინეთის ხელისუფლების მიერ უსასყიდლოდ გადმოცემულ აღჭურვილობასთან შედარებით გამოუსადეგარი და უსარგებლო აღმოჩნდა იტალიის ჯანდაცვის უწყებისთვის.
ოფიციალურმა პეკინმა გამოაგზავნა საჭირო რაოდენობის პირბადეები, რესპირატორული აღწურვილობა და უშუალოდ ექიმები, რომლებსაც კორონავირუსთან ბრძოლაში უხანში დაგროვილი გამოცდილება გააჩნდათ. რუსეთის გამოგზავნილი აღჭურვილობა და სპეცსისტემები გათვლილია არა კოვიდ 19-ის ვირუსის, არამედ როგორც ჩანს აღნიშნული მოწყობილობები მეტწილად გათვლილია ქიმიური ან ბიოლოგიური ომის საწინააღმდეგოდ- მათ შორისაა ქიმიური-ბაქტერიული სტერილიზაციის საველე ლაბორატორია.
რუსი სამხედრო მედიკოსების ჯგუფი კი არიან სპეციალისტები მხოლოდ ბიოლოგიურ და ქიმიურ სფეროში- მათ კონკრეტული უნარები და გამოცდილება არ გააჩნდათ კოვიდ 19-ის ვირუსთან ბრძოლაში.
კომენტარები