გერმანიის გეომეცნიერების კვლევის ცენტრის ცნობით, რუსეთის კურილის კუნძულებზე 6,7 მაგნიტუდის მიწისძვრა მოხდა. მათივე ინფორმაციით, ბიძგები 10 კმ-ის სიღრმეზე დაფიქსირდა.
ამერიკის შეერთებული შტატების გეოლოგიური სამსახურის ცნობით, ამ ეტაპზე მიწისძვრის შემდეგ ცუნამის წარმოქმნის საფრთხე არ არსებობს.
ცნობისთვის, 30 ივლისს უძლიერესი მიწისძვრა მოხდა რუსეთის შორეულ აღმოსავლეთში, კამჩატკის მხარეში. მაშინ მიწისძვრის სიმძლავრემ 8,7 მაგნიტუდა შეადგინა.
მიწისძვრის ეპიცენტრი კამჩატკის ადმინისტრაციული ცენტრიდან, ქალაქ პეტროპავლოვსკ-კამჩატსკიდან სამხრეთ-აღმოსავლეთით 149 კილომეტრში, 17 კილომეტრის სიღრმეზე მდებარეობდა.
მიწისძვრამ კამჩატკის სანაპიროზე ცუნამი გამოიწვია.
კომენტარები