ჟურნალისტი მაქსიმ მედინსკი დაიღუპა. ინფორმაციას უკრაინული მედია დაღუპული ჟურნალისტის მამაზე დაყრდნობით ავრცელებს.
„ბოლგრადის საკრებულო სამძიმარს უცხადებს მედინსკის ოჯახს მათი ვაჟის, უკრაინის შეიარაღებული ძალების ლეიტენანტის მაქსიმ მედინსკის გარდაცვალების გამო. მედინსკი ფრონტზე პირველად 2014 წელს წავიდა, ის სამშობლოს ახლაც უყოყმანოდ იცავდა“, – აღნიშნულია ინფორმაციაში.
თებერვლის შუა რიცხვებში მიცემულ ინტერვიუში მედინსკიმ თქვა, რომ ი სამხედრო ოჯახში ბოლგრადში გაიზარდა. მისი მამაც სამხედრო ჟურნალისტია.
„არასდროს მეშინოდა ჩემი სიცოცხლის დაკარგვის. ამიტომ, კითხვა წავსულიყავი თუ არა ომში, არ დასმულა. ჩემი ქვეყანა ომშია, ამიტომ მე უნდა დავიცვა იგი“, – ამბობდა მედინსკი.
კომენტარები