CNN-ი ინფორმირებულ წყაროებზე დაყრდნობით აშშ-ის სახელმწიფო მდივან მარკო რუბიოსა და სერგეი ლავროვს შორის დაგეგმილი შეხვედრის გადადების შესახებ იუწყება.
ჯერჯერობით უცნობია, თუ რატომ აღარ გაიმართება მიმდინარე კვირაში დაგეგმილი შეხვედრა, თუმცა ერთ-ერთი წყაროს ცნობით, რუბიოს და ლავროვს განსხვავებული მოლოდინები აქვთ რუსეთის მიერ უკრაინაში შეჭრის შესაძლო დასრულების შესახებ.
20 ოქტომბერს რუბიომ და ლავროვმა ტელეფონით ისაუბრეს. წინასწარი ინფორმაციით, მათი შეხვედრა ამ კვირაში, სავარაუდოდ, 23 ოქტომბერს უნდა გამართულიყო და მოსამზადებელი ეტაპი უნდა ყოფილიყო პრეზიდენტების, ტრამპის და პუტინის შეხვედრისთვის, რომელიც უნგრეთის დედაქალაქ ბუდაპეშტშია დაგეგმილი.
კომენტარები