პრეზიდენტ ბაიდენის მიერ ამერიკის სახელმწიფო მდივნის მოადგილის თანამდებობაზე საქართველოში ყოფილი ელჩის, ჯონ ბასის წარდგენას ქართველი პოლიტიკოსები აქტიურად ეხმაურებიან.
ჯონ ბასთან ურთიერთობას იხსენებს სოციალურ ქსელში ყოფილი გარემოს დაცვის მინისტრი გოგას ხაჩიძე.
„როგორც აღმოჩნდა, ყველას თავისი ჯონ ბასი ჰყავს.
ჰოდა, მეც გამოვფენ ჩემსას.
4 დეკემბერს, აშშ-ის ელჩი საქართველოში ჯონ ბასი, საქართველოს გარემოს დაცვისა და ბუნებრივი რესურსების მინისტრი გიორგი ხაჩიძე და თურქეთის გარემოსა და მეტყევეობის მინისტრი ვეისელ ეროღლუ, ერთად აღნიშნავენ ვაშლოვანის დაცულ ტერიტორიაზე შავყელიანი ჯეირანების შეყვანას.” (2009 წ.)” – წერს გოგა ხაჩიძე და შავყელიანი ჯეირანების ფოტოს აქვეყნებს.
ინფორმაციისთვის, ამერიკის შეერთებული შტატების პრეზიდენტმა ჯო ბაიდენმა სახელმწიფო მდივნის მოადგილის თანამდებობაზე საქართველოში ყოფილი ელჩი ჯონ ბასი წარადგინა.
ჯონ ბასი კარიერული დიპლომატია, რომელიც აშშ-ის ელჩი იყო ავღანეთსა (2017-2020) და თურქეთში (2014-2017). საქართველოში აშშ-ის ელჩის პოსტს ბასი 2009-2012 წლებში იკავებდა.
კომენტარები