დეკანოზი ანდრია ჯაღმაიძე მრევლის იმ წარმომადგენლებს, ვისაც სახლში რისკ ჯგუფში შემავალი ოჯახის წევრები ჰყავთ, სააღდგომო ლიტურგიაზე დასწრებისგან თავის შეკავებისკენ მოუწოდებს. შესაბამისი განცხადება მან Facebook-ზე გამოაქვეყნა.
„მინდა ჩემმა მრევლმა კარგად გაიგოს: როდესაც ვამბობთ, რომ ჩვენს ოჯახში მიმოვიხედოთ და თუ ასაკოვანი მშობელი გვყავს ან სხვა რისკის მატარებელი წევრი, თავი შევიკავოთ ტაძარში წასვლისაგან, ნუ იფიქრებ, რომ სხვაზე ვსაუბრობ, არამედ გეხება შენ თავად! ასევე ითქვა, რომ ასეთ შემთხვევაში თუ მსახურებას არ დაესწრები, არ დააკნინებს შენს რწმენას“, – წერს ჯაღმაიძე.
საქართველოს მთავრობის და საპატრიარქოს გადაწყვეტილებით, აღდგომას მრევლი ეკლესიებში 21:00 საათამდე მივა და 06:00 საათამდე ტაძრებში დარჩება.
კომენტარები