რიტუალები – როგორ უნდა მოიქცნენ ზოდიაქოს ნიშნები ახალი წლის დადგომის წინ

ვერძი

რიტუალი: აიღეთ ნებისმიერი ოქროს სამკაული (მთავარია თქვენი იყოს) ან ნებისმიერი ოქროსფერი ფიგურა, დაკიდეთ ნაძვის ხეზე, ჩაიფიქრეთ სურვილი და უთხარით მას „იბრწყინე და დამეხმარე ჩემი სურვილის ასრულებაში“. ახალი წლის მერე, ატარეთ ის ყველა მნიშვნელოვან შეხვედრაზე.

კურო

რიტუალი: ღამით აიღეთ ქოთანი და მიწაში ჩაფალით მონეტა,მეორე დადეთ ზევიდან, თან ჩასჩურჩულოთ „იზარდე და იმრავლე, გახდი სპილოსავით დიდი და სტაბილური.“ საახალწლო დღეებში ქოთანი ნაძვის ხესთან იყოს, შემდეგ კი ზედა მონეტას იღებთ და საფულით ატარებთ. ქვედა მომავალ წლამდე დატოვეთ, შეგლიძიათ დარგოთ მასთან ერთად ყვავილიც.

ტყუპები

რიტუალი: აიღეთ სახლის გასაღები, დაკიდეთ ნაძვის ხეზე და თქვით „ ყველა სირთულესა და პრობლემურ საკითხს ვხსნი ამ გასაღებით“. ახალი წლის შემდეგ, ყოველი კარის გაღებაზე ჩათვალეთ, რომ ერთი პრობლემური საკითხი გვარდება.

კირჩხიბი

რიტუალი: დაისხით ჭიქა ღვინო, გახედეთ მთვარს და უთხარით :“ როგორც შენ იცვლები, ისე შეიცვალოს ჩემი ცხოვრება უკეთესობისკენ, როგორც შენ იკლებ, ისე იკლოს სირთულეებმა, როგორც შენ იმატებ, ისე იმატოს ბარაქამ, სიყვარულმა და კეთილდღეობამ“. შესვით სასმისი და დაელოდეთ საოცარ სიახლეებს.

ლომი

რიტუალი: შეარჩიეთ ვარსკვლავის ნებისმიერი ფიგურა, დაკიდეთ ნაძვის ხეზე მწვერვალისკენ, ჩაიფიქრეთ სურვილი და უთხარით ვასრკვლავს: „იკაშკაშე, გამინათე გზა და მომიტანე წარმატება ნებისმიერ სფეროში“. ახალი წლის შემდეგ ეს ვარსკვლავი ატარეთ თილისმად.

ქალწული

რიტუალი: შუა ღამის მოახლოებისას დაგჭირდებათ ბუს სიმბოლო, ან ბუს ბუმბული, მოათავსეთ ნაძვის ხესთან და უთხარით მას: „მომარიდე ყველა დაბრკოლება ჩემი წარმატების, სიმდიდრისა და სიყვარულის გზაზე“. ახალი წლის შემდეგ ეს ბუ თან ატარეთ ხოლმე, ან თქვენს სამუშაო მაგიდაზე დადეთ, ბუმბული კი ატარეთ სანიშნად.

სასწორი

რიტუალი: დაგჭირდებათ გულის ფორმის საკიდი ნებისმიერი სახით, შუა ღამის მოახლოებისას დაკიდეთ ნაძვის ხეზე და სთხოვეთ: „ შენ მომიტან სიყვარულსა და ბედნიერებას, იქ სადაც შენ იქნება, იქნება ჯანმრთელობა და ჰარმონია“. მომდევნო დღეებში მოხსენით და ატარეთ ეს გული მთელი წელი.

მორიელი

რიტუალი: წარმატებისთვის, კარიერული წინსვლისთვის და ფინანსური კეთილდღეობისთვის როგორც არ უნდა გაგიკვირდეთ ბაყაყი დაგეხმარებათ, განსაკუთრებით კი სამფეხა ბაყაყი, დაასკუპეთ ის ნაძვის ხესთან, აპკურეთ წყლის წვეთები და უთარით:“ შენ იქნები ჩემი დამხმარე ყველა საქმეში, შემოსავლების ზრდა – დაგროვებაში, საქმიანი იდეების რეალიზებაში“. ახალი წლის შემდეგ დასვით ეს ბაყაყი თქვენს სამუშაო სივრცეში.

მშვილდოსანი

რიტუალი: თუ გყავთ ღიპიანი ხოტეი, მოათავსეთ შუა ღამემდე ნაძვის ხესთან, დაუწყვეთ ტკბილეული, ფულის კუპიურები და მოილხინეთ, არ გჭირდებათ კონკრეტული სიტყვები, მოეფერეთ, გაუზიარეთ თქვენი სურვილები, იცინეთ, იხალისეთ. შემდეგ უკვე დასვით მაგიდაზე ოთახის შუაგულში და ის აუცილებლად მოიტანს თქვენს ოჯახში ყველანაირ სიკეთეს, ხვავს, ბარაქას, წარმატებას, ჯანმრთელობას და კეთილდღეობას.

თხის რქა

რიტუალი: კარიერულ, ფინანსურ ასპარეზზე კეთილდღეობისთვის დაგჭირდებათ კუს სიმბოლო, ან სულაც ცოცხალი კუ. დასვით ნაძვის ხესთან და უთხარით: „შენ სტაბილურ შემოსავალს მომიტან, იქნები ჩემი მცველი და საყრდენი ნებისმიერი საქმეში.“ ახალი წლის შემდეგ დაასკუპეთ კუ თქვენს სამუშაო სივრცეში.

მერწყული

რიტუალი: დაკიდეთ ნაძვის ხეზე ანგელოზის ფიგურა, ჩაიფიქრეთ სურვილი, სთხოვეთ: „შენ იყავი ჩემი მეგზური ყველა კეთილ საქმეში და დამეხმარე ჩემი სურვილების ფრთაშესხმაში“. ეს ანგელოზი ახალი წლის შემდეგ თქვენს სივრცეში მოათავსეთ, ან ატარეთ გულსაკიდის სახით.

თევზები

რიტუალი: თქვენ დაგჭირდებათ ნიჟარა, ნებისმიერი ფორმის, შუა ღამის მოახლოებისას, მოიმარჯვეთ ის და მოუყევით თქვენი სურვილების შესახებ დეტალურად, როგორ რა ფორმით, რა გარემოში, სად და ვისთან ერთად გინდათ ამ სურვილის რეალიზება. ნიჟარა იქნება თქვენი მესაიდუმლე და ის იზრუნებს თქვენი სურვილების ხორცშესხმაზე. ახალი წლის შემდეგ მოათავსეთ ის თქვენს საწოლთან.