პრემიერ-მინისტრმა ირაკლი ღარიბაშვილმა სოფლად მცხოვრები მოსახლეობის ვაქცინაციის პროცესის გაუმჯობესებისთვის განკარგულება გამოსცა.
აქ ნათქვამია, რომ საგანგებო სიტუაციების კოორდინაციისა და გადაუდებელი დახმარების ცენტრს დაევალა ვაქცინაციის პროცესში სოფლის ექიმებისა და ექთნების ჩართვის ხელშეწყობა. ასევე ვაქცინაციის მიზნით მუნიციპალიტეტების მდებარე სამედიცინო დაწესებულებების მიერ შესაფერისი სოფლის ამბულატორიების შერჩევის პროცესის ხელშეწყობა.
განათლებისა და მეცნიერების სამინისტროს დაევალა, საჭიროების შემთხვევაში საგანმანათლებლო დაწესებულების შენობების გამოყოფა, სასწავლო პროცესის აღდგენამდე პერიოდში.
თავდაცვის სამინისტროს, საჭირობის შემთხვევაში დაევალა აცრების წარმოებისთვის დამატებითი სამდიცინო პერსონალის გამოყოფა, ასევე მოსაცდელი სივრცეების მოწყობის ხელშეწყობა.
განკარგულებაში ასევე ნათქვამია, რომ მოეწყობა ვაქცინაციის ოპერატიული შტაბები, სადაც ასაცრელი კონტნიგენტის მობილიზება და მოწვევა მოხდება ვაქცინაციისათვის. საჭიროების შემთხვევაში მათ ტრანსპორტირებას ადგილობრივი თვითმმართველობები უზრუნველყოფენ.
კომენტარები