საქართველოს კათოლიკოს-პატრიარქის მდივან-რეფერენტს, შორენა თეთრუაშვილს კორონავირუსი დაუდასტურდა.
პატრიარქის პირადი ექიმი, ცისანა შარტავა „პრაიმტაიმთან“ საუბრისას ამბობს, რომ ორი დღის წინ შორენა თეთრუაშვილს ტესტი გაუკეთდა, რომლის პასუხი დადებითი აღმოჩნდა, დღეს კი განმეორებითი ტესტის პასუხს ელოდებიან.
მისივე თქმით, პატრიარქის მდივან-რეფერენტი ამ დროისთვის თვითიზოლაციაში იმყოფება. ცისანა შარტავა ამბობს, რომ თეთრუაშვილს კონტაქტი ჰქონდა მეუფე ანტონთან, რომელსაც ასევე კორონავირუსი დაუდგინდა.
ჰქონდათ თუ არა შეხება 88 წლის კათოლიკოს პატრიარქთან ინფიცირებულ მღვდელმთავარს და მდივან-რეფერენტს? ამ კითხვაზე ცისანა შარტავა ამბობს, რომ ეპიდსიტუაციიდან გამომდინარე ილია მეორესთან ახლო კონტაქტი მაქსიმალურად შეზღუდულია და ბოლო დღეებში არც შორენა თეთრუაშვილს და არც მეუფე ანტონს პატრიარქთან მჭიდრო კონტაქტი არ ჰქონიათ.
აღსანიშნავია, რომ 4 იანვარს საქართველოს პატრიარქი 88 წლის გახდა. ამ დღესთან დაკავშირებით საქართველოს საპატრიარქოში მიღება გაიმართა.
კომენტარები