მედიცინის მეცნიერებათა დოქტორი, ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:
“შემსუბუქდება თუ არა შეზღუდვები 24 დეკემბერს? გუშინ მოლები (ასე იყო გამოცხადებული რეპორტაჟებში). ალბათ იგულისხმებოდა არა მეჩეთის მოლები, არამედ დიდი სავაჭრო ცენტრების წარმომადგენლები, შეხვდნენ ეკონომიკის მინისტრს და თავისი არგუმენტები წარუდგინეს შეზღუდვების მოხსნასთან დაკავშირებით…თანაც არგუმენტებით, თურმე, უკვე 15 დეკემბერს სჯობდა შემსუბუქება…
4 წლის განმავლობაში მოლდოვეთში მიწევდა მუშაობა რადგანაც ნორვეგიის სამეფო ეხმარებოდა მათ ჯანდაცვის სამინისტროს რამოდენიმე მიმართულებით. მოლდოვეთი ვფიქრობ ერთ-ერთი ყველაზე ღარიბი ქვეყანაა პოსტ საბჭოთა სივრცეში, და მისი ჯანდაცვის სისტემაც ასევე სუსტია.
როდესაც პანდემია დაიწყო და როდესაც საქართველოში შემთხვევის რაოდენობა ათეულს არ ცდებოდა, მოლდავეთში (მოსახლეობა 3,5 მლნ) პანდემიამ მთელი ძალით იფეთქა და შემთხვევები ასეულობით იყო…მოკლედ პირველი სამი თვის განმავლობაში, რაღაც სასწაულებრივად გვისწრებდნენ შემთხვევების რაოდენობით. დღეის მონაცემებით, მოლდოვეთში დაფიქსირებულია 134 578 შემთხვევა, საქართველოში კი უკვე არის 206,907..საქართველომ მასზე უფრო სუსტ ქვეყნებს გადაუსწრო დაინფიცირებულთა რაოდენობით…
და აი ასეთი ვითარების დროს, როდესაც ტესტირების რაოდენობა ძალიან მცირეა (თუნდაც 20 000 ფარგლებში და ისეც დიდი ნაწილი ე.წ სწრაფი ტესტია) , ჰოსპიტალური სექტორი კერძოა (და ეს დიდი პრობლემაა რომელიც აქამდე არავის ანაღვლებდა), პირველადი ჯანდაცვა მოუწესრიგებელი (რბილად რომ ვთქვათ, ისე კი არ არსებობს), შავი პარასკევი იმის მანიშნებელი რომ ფულია ყველაფერი, მიუხედავად გაფრთხილებებისა უზარმაზარი სუფრები არ გამქრალა, ჯარიმებს ვერ აკისრებ დარღვევების გამო (პოლიტიკურად გაგიშუქებენ) და კიდევ მრავალი სხვა, ….ფიქრობ შეზღუდვების შემსუბუქებაზე? საინტერესო ფენომენია
ეკონომიკა და მათი გაჭირვება. არავინ არ უარყოფს ამ ფაქტს და არც არავინ იძახის რომ უხარია შეზღუდვების დაწესება. არც იმას არ იძახის არავინ რომ ეს მარტო საქართველოში ხდება. იმაშიც გეთანხმებით რომ სახელმწიფო უნდა ეცადოს რაღაცით დაეხმაროს ბიზნესის წარმომადგენლებს რომ ამ სიტუაციიდან გამოძვრნენ, ისე როგორც ეს ბევრ ქვეყანაშ ხდება…მაგრამ იმავე ბევრ ქვეყანაში პრობელემებიც იგივეა და მაგალითად ახლა ესტონეთშ რესტორნების და სასტუმროების მფლეობელები ფიქრობენ სასამართლოშიც კი უჩივლონ სახელმწიფოს დახმარების ნაკლებობის გამო…
მაგრამ შეზღუდვები აუცილებლობად რჩება, თუკი იმავე ბიზნეს უნდა რომ დარჩეს ჯანმრთელი და ცოცხალი ხალხი, ვინც მათთან იმუშავებს ან მათთან მივა საქონლის შესაძენად. ხოლო თუკი მაინც სურთ რომ ყველაფერი გაიხსნას მაშინ აიღონ მაგალითად ვალდებულება რომ ისენი დააფინანსებენ თითოეული იმ ადამიანის მკურნალობას ვინც მათი მეოხეობით დასნებოვნდა, ხოლო თუ უფრო ცუდიც მოხდა, მაშინ მათ ოჯახებსაც დაეხმარებიან. ოღონს იმ მომენტში ნუ გაახსენდებათ რომ ეს სახელმწიფოს მოვალეობაა, რადგან ისენი სთხოვენ სახელმწიფოს ამ მოვალეობაზე უარი სთქვას”
“ალია” შეგახსენებთ, დიდი სავაჭრო ცენტრები, ე.წ. მოლები, 24 დეკემბრიდან 2 ნოემბრის ჩათვლით იხსნება.
კომენტარები