„რაზეც ფიქრობთ დღე და ღამე, წამოგცდებათ ხოლმე. თქვენ ნატრობთ სააკაშვილს ან ხოშტარიას რაიმე დაემართოს,” – ასე ეხმაურება ანალიტიკოსი ამირან სალუქვაძე განცხადებას, რომელიც გიგი უგულავამ სააკაშვილის ჯანმრთელობის შესახებ „ტვ პირველის“ ეთერში გააკეთა.
„ის მერი ხართ, მოშიმშილეები რომ დაარბიეთ. არც მერე დაბნეულხართ, როცა მოშიმშილეთა დარბევის გამო გაბრაზებული თბილისელები გამოვარდნენ. არ დაბნეულხართ, მზად იყავით და სააკაშვილის ხელმძღვანელობით უსასტიკესი სადამსჯელო ოპერაცია ჩაატარეთ.
როგორც ახლა ზიხართ და ბნელ ამბებზე ფიქრობთ, გეგმავთ, მაშინაც ნაფიქრი გქონდათ, რომ დაარბევდით მოშიმშილეებს და ამას მოჰყვებოდა ის, რასაც ახლა ამბობთ, ხალხის გამოვარდნა რუსთაველზე. და დაახვედრეთ მომზადებული ძალოვნები.
დიდი ფუნა ჭამეთ მაშინ, ჯარი რომ გამოიყვანეთ. მაშინ გარდაიცვალა პოლიტიკურად ის პირი, რომელსაც ახლა ქვეყნის სიმბოლოს უწოდებთ. უმაღლეს მთავარსარდალს ჯარი საკუთარი მოსახლეობის გასალახავად არ გამოჰყავს.
ზუსტად უგულავა იყო სპიკერი, შემდეგ ბოკერია. ქუჩის გადაკეტვის მცდელობის გამო სასტიკად სცემეთ ადამიანები. ამის აღიარების ვიდეო არსებობს. დღეს რუსთაველი კი არა, სანაპირო ჩახერგეთ ორჯერ.
ჰოდა, ზის ახლა და მთავრობას დასცინის, ესენი დაიბნევიანო. აბა რა, თქვენ რომ ყოფილიყავით, სანაპიროს ჩაკეტვის გამო, არა მხოლოდ მონაწილეებს, მათი ოჯახის წევრებსაც დაადგებოდით სახლებში და აგენტებად მონათლავდით.
მოშიმშილეების აწიოკება რუსთაველზე ცალკე დაღად დაგრჩებათ. ჰო, მხოლოდ იმედის დარბევაზე რომ ვსაუბრობთ ხოლმე, იმ დღეს კავკასიასაც იგივე მოუწყვეს, თუმცა… ეს მათი საქმეა, დღეს სად იდგებიან.
მოკლედ, ყოველ საუბარში ამჟღავნებთ იმას, რაც ამოგდით. 7 ნოემბრის საქმის სასამართლო პროცესი გრძელდება.
უგულავას თავის გადარჩენის ერთადერთ გზად მიაჩნია სააკაშვილს ან ხოშტარიას რაიმე ცუდი დაემართოს. ისე, თავად რატომ არ შიმშილობს?!“- წერს ამირან სალუქვაძე.
ცნობისათვის, ოპოზიციის ერთ – ერთმა ლიდერმა გიგი უგულავამ, „ტვ პირველის“ ეთერში განაცხადა: „რამე გაუთვლელი რომ მოხდეს, ესენი ჩავარდებიან პანიკაში და მართლა რომ გადასაყვანი იქნება…კრიტიკულად გადასაყვანს ვგულისხმობ, თორემ ისე სააკაშვილი გადასაყვანი არის უკვე დიდი ხანია.
კომენტარები