ქვეყანაში სამართალი აღარ არის, – ასე აფასებს მამუკა ხაზარაძე სასამართლოზე მომჩივანის, წულუკიანის არგამოცხადებას. ოპოზიციონერი ლიდერი საქალაქო სასამართლოში უკვე მივიდა, სადაც მისი პროცესი უნდა გაიმართოს. საქმე წულუკიანის კომისიაზე არგამოცხადებას ეხება.
მამუკა ხაზარაძე პირდაპირ ამბობს, რომ ე.წ. საგამოძიებო კომისია კანონდარღვევით არის შექმნილი და მხოლოდ ოპონენტების დევნაზეა ორიენტირებული.
წულუკიანი არ მოვიდა, საინტერესოა… ეს ნიშნავს იმას, რასაც დიდი ხანია ჩვენ ვაპროტესტებთ. ეს ნიშნავს, რომ სამართალი ამ ქვეყანაში არ არის. მიუხედავად იმისა, თქვენ გახსოვთ, რომ ჩემი არგამოცხადება კომისიაზე იყო განპირობებული იმით, რომ პარლამენტი არის არალეგიტიმური, მისი შექმნილი კომისია არის არალეგიტიმური და ეს კომისიაც კანონის უხეში დარღვევით არის შექმნილი. მაგრამ, იქვე ვთხვი, რომ თუ ვინმეს რამე კითხვა აქვს, მიუხედავად იმისა, რომ ამ სასამართლოს აკონტროლებს ბიძინა ივანიშვილი და მურუსიძე, ჩვენ მზად ვართ, კანონიერების ფარგლებში ვუპასუხოთ ნებისმიერ კითხვას. ერთ-ერთი მოთხოვნა არის წულუკიანის აქ მოსვლა სასამართლოზე, რომ მან გასცეს პასუხი, თუ როგორ მართავს არაკანონიერად შექმნილ კომისიას, ეს ერთი და მეორე, ამ კომისიას იყენებს პოლიტიკური დევნისთვის ბიძინა ივანიშვილის დავალებით, მაგრამ ჩვენ არ დავიღლებით, ვივლით მანამდე და გამოვიყენებთ ყველა ტრიბუნას, რომ ვამხილოთ ესენი, – ამბობს ხაზარაძე.
შეგახსენებთ, რომ საქალაქო სასამართლოში უკვე გაიმართა ბადრი ჯაფარიძის პროცესი. ხაზარაძის მსგავსად, მასაც წულუკიანის კომისიაზე არმისვლის გამო ასამართლებენ.
კომენტარები