ჰაკერი, რომელმაც აშშ-ის პრეზიდენტ დონალდ ტრამპის Twitter-ი გატეხა, თავისუფლებაზე დატოვეს. ამის შესახებ გამოცემა Vox-ი ნიდერლანდების პროკურატურაზე დაყრდნობით იუწყება.
გამოძიებამ დაადასტურა, რომ 44 წლის ვიქტორ გევერსმა ნამდვილად მიიღო წვდომა ამერიკის ლიდერის ანგარიშზე მიუხედავად იმისა, რომ თეთრმა სახლმა მისი გატეხვის ფაქტი უარყო.
თუმცა, სამართალდამცველებმა გადაწყვიტეს, რომ ჰაკერი „ეთიკურად“ მოიქცა, როცა მომხდარის შესახებ მყისიერად აუწყა ჰოლანდიის ხელისუფლებას.
„ვთვლით, რომ ჰაკერმა ნამდვილად მიიღო წვდომა Twitter-ზე ტრამპის ანგარიშზე, მაგრამ მისი საქციელი პრეცედენტულია, რაც საშუალებას იძლევა, რომ „ეთიკური ჰაკერი“ თავისუფლებაზე დარჩეს“, – აცხადებენ პროკურატურაში.
თავად გევერსი კი განმარტავს, რომ მან, უბრალოდ, გამოიცნო ტრამპის პაროლი. პრეზიდენტის ანგარიში დაცული იყო კომბინაციით maga2020!
რაც მისი ცნობილი ლოზუნგის შემოკლებული ვერსიაა – Make America Great Again (ისევ გავხადოთ ამერიკა დიდებული).
კომენტარები