ჟურნალისტი, დათო ლიკლიკაძე:
„რუსულ ბაზარზე არასაიმედო ბაზარი მსოფლიოში არ არსებობს. ამას ადრე ექსპერტები ამბობდნენ, ახლა უტვინო უნდა იყო ისედაც რომ ვერ მიხვდე. ანუ ტიპს შეუძლია მხოლოდ იმიტომ დაგიხუროს ბაზარი, ვინმემ ტელევიზიით რომ შეაგინოს. ან მაშინ გაგიხსნას, როცა თვითონ მოუნდება. მერე ისევ გამოგაბუნძულოს იმ ბაზრიდან როცა მოეპრიანება. რამე ისეთს ვწერ რაც არ მომხდარა? რამე უპრეცედენტოა ჩემს სიტყვებში?
ანუ რა გამოდის, აეწყობი რუსულ ბაზარს და უცებ გაგასწორებს ნოლზე, როცა გაბრაზდება (გაბრაზებული ის სულ არის). სწორედ მაგ არასაიმედო ბაზრის გამო გაგვეხსნა შესაძლებლობა დამატებით 28 ქვეყანასთან. რაც უფრო მალე განვქორწინდებით რუსეთთან მით უფრო წავალთ წინ. ახლა ძაან დილეტანტი უნდა იყოს ბიზნესი რომ ვერ მიხვდეს რაც ხდება.
ნუ იმაზე აღარაფერს ვამბობ რომ ღირსების ამბავია რუსეთის დაპაშოლება, მაგრამ რადგან ღირსებაში ხანდახან მოვიკოჭლებთ ერი (ნუ რას ვიზამთ ასეთი გაგვაჩინა განგებამ), იმაზე მაინც ვიფიქროთ, რომ საერთოდ არ დაგეძიროთ ეს ბიზნესები და სწორება გააკეთეთ საიმედო პარტნიორ ქვეყნებზე, რომლისკენ გზა, როგორც იქნა გახსნილი გვაქვს წვალებით.“
- შეგახსენებთ, tass-ის გავრცელებული ინფორმაციით, როსსელხორნადზორი 15 ქართულ საწარმოს რძის პროდუქტების მიწოდების (ექსპორტის) უფლებას სთავაზობს. როგორც სააგენტოში განმარტავენ, ეს გადაწყვეტილება 5 მარტს როსელხოზნადზორის ხელმძღვანელს სერგეი დანკვერტს, სურსათის ეროვნული სააგენტოს ხელმძღვანელ, ზურაბ ჩეკურაშვილსა და აზერბაიჯანის სურსათის უსაფრთხოების სააგენტოს წარმომადგენელთან ერთად მიიღეს. „როსელხოზნაძორმა (ვეტერინარულიდა ფიტოსანიტარიული ზედამხედველობის სამსახურმა) ევრაზიის ეკონომიკურ კავშირში დაიწყო მესამე ქვეყნების საწარმოების რეესტრში შეყვანა. მათ აქვთ უფლება შეიტანონ თავიანთი პროდუქცია კავშირის წევრი ქვეყნების ტერიტორიაზე. მათ შორის, მოიაზრება საქართველოს საწარმოები (რძე და რძის პროდუქტები)“, – ნათქვამია ანგარიშში.
კომენტარები