მიხეილ სააკაშვილის ადვოკატის, შალვა ხაჭაპურიძის თქმით, დაუდგენელი დემენცია საფუძველს იძლევა, რომ პატიმრობაში მყოფი პირი სასჯელის მოხდისგან გათავისუფლდეს.
აღნიშნულ დიაგნოზთან დაკავშირებით საუბარია მიხეილ სააკაშვილზე უცხოელი და ქართველი ექსპერტების დასკვნაში. ხაჭაპურიძის სიტყვებით, ქართული ჯანდაცვის სისტემა ამ მიმართულებით მკურნალობის შესაძლებლობას არ იძლევა, ამიტომ მისივე თქმით, აუცილებელია მიხეილ სააკაშვილის საზღვარგარეთ სამკურნალოდ გადაყვანა.
“ფაქტობრივად, ქართული ჯანდაცვის სისტემა ამ მიმართულებით უძლურია, რომ დაადგინონ ის ზუსტი დიაგნოზები, რაც არის. ფაქტია, რომ უცხოელი და, ასევე, ქართველი ექსპერტების დასკვნით, მას დაუდგინდა დემენცია და სხვა ნევროლოგიური დაავადებები, რომლის გაგონებაც არ უნდა ხელისუფლებას და აცხადებენ, რომ თურმე მათ არ ესმით რა დიაგნოზია. საქართველოს ჯანდაცვის სისტემა უძლურია რაიმე მკურნალობა გაუწიოს მას და არაა აქ მარტო სააკაშვილზე საუბარი, ყველა პირი, ვისაც დაუდგინდება დაუზუსტებელი დემენცია, ექვემდებარება სასჯელის მოხდისგან გათავისუფლებას”, – თქვა შალვა ხაჭაპურიძემ.
კომენტარები