“დამღლელია ამ დაუსრულებელი, ერთფეროვანი, უნიჭო და საზიზღარი თამაშის ყურება, რომელიც ახალ-ახალ სიცოცხლეებს შთაბერავს ხოლმე მკვდრეთით აღმდგარ, ცოდვილ, რევანშისტულ “ნაციონალურ მოძრაობასა” და “ქართული ოცნების” უსახო, უმიზნო, უფანტაზიო, მხოლოდ საკუთარ სტომაქზე მოფიქრალ კადრებს”. – ასე ეხმაურება სოციალურ ქსელში პოლიტოლოგი ლევან ლორთქიფანიძე თვითმმართველობის არჩევნების შედეგებს.
“რამდენიმე თვის წინ ვუთხარი ერთ ჟურნალისტს: “წარმოიდგინეთ, რომ ყოველ მომდევნო სვლაზე მოწინააღმდეგე „ქიშს“ გიცხადებთ, უკან გახევინებთ, განერვიულებთ, მაგრამ შამათის ჩასმის თავი არ აქვს, ფიგურა აკლდება. ყოველ სეზონზე ნაცები „ქიშს“ უცხადებენ ქოცებს, „ოცნება“ ჩვენს დასანახად შფოთავს, მაგრამ იცის, რომ ყოველთვის გამარჯვებული გამოვა, რადგან ოპოზიციას ფიგურა არ ჰყავს. დაზავება არავის სურს და პარტიაც დაუსრულებლად გრძელდება. ერთადერთი გზა დაფის აყირავებაა”.
დამღლელია ამ დაუსრულებელი, ერთფეროვანი, უნიჭო და საზიზღარი თამაშის ყურება, რომელიც ახალ-ახალ სიცოცხლეებს შთაბერავს ხოლმე მკვდრეთით აღმდგარ, ცოდვილ, რევანშისტულ “ნაციონალურ მოძრაობასა” და “ქართული ოცნების” უსახო, უმიზნო, უფანტაზიო, მხოლოდ საკუთარ სტომაქზე მოფიქრალ კადრებს.
საცოდავი ქვეყანა ვართ! საცოდავი ხალხი ვართ, რადგან სიმბოლურად რომ ვთქვათ – მხოლოდ ხატია დეკანოიძესა და “ბოცას” შორის არჩევანი გვაქვს…ეს ყველაფერი კი ვიცოდი, მაგრამ თვალს რომ ვუსწორებ, სევდა მახრჩობს…- წერს ლევან ლორთქიფანიძე.
კომენტარები