ყავის მარცვლის ტომრებში 500 კგ კოკაინი აღმოაჩინეს. შემთხვევა შვეიცარიაში მოხდა, ინფორმაციას კი BBC ავრცელებს.
ბრიტანული გამოცემის ცნობით, შვეიცარიის პოლიციამ „ნესპრესოს” ყავის ქარხანაში გაგზავნილ ტვირთში 500 კგ კოკაინი აღმოაჩინა. ყავის ტომრებში თეთრი ფხვნილის აღმოჩენის შესახებ პოლიციას თავად ქარხნის მუშებმა შეატყობინებს. როგორც BBC წერს, ამოღებული კოკაინი 80%-ით სუფთა იყო და მისი სავარაუდო ფასი 50 მილიონ ევროს შეადგენდა (53 მილიონი აშშ დოლარი; 43 მილიონი ფუნტი).
„ჩვენ გვინდა დავარწმუნოთ მომხმარებლები, რომ ჩვენი ყველა პროდუქტი უსაფრთხოა მოხმარებისთვის“, – აცხადებენ ყავის კომპანიაში.
გამოძიების პირველადი ვერსიით, ტვირთი ბრაზილიიდან შევიდა და ის, სავარაუდოდ, ევროპის ბაზარზე უნდა მოხვედრილიყო.
კომენტარები