„ადამიანი იყოს უვიცი და ამით ამაყობდეს და ამასთან, თითქოს სხვას დაცინოდეს, ახასიათებს სააკაშვილის სექტის პოლიქრონიონ-ტიპის მიმდევრებს,” – ასე ეხმაურება ანალიტიკოსი გია აბაშიძე იმ ადამიანებს, რომლებიც პარლამენტარ კახა კუჭავას მიერ რაჭისა და ეგვიპტის ათასწლეულების წინ არსებულ ვაჭრობაზე გაკეთებულ განცხადებას ირონიულად შეხვდნენ.
„გოიმური ეპატაჟის ერთ-ერთმა ფუძემდებელმა, გვარამიამ თქვა და თუთიყუშებივით აყვნენ “ლუზერი” ტიპები, მათ შორის პროფესორ-მასწავლებლებად წოდებულნი ნაცსექტის კლასტერიდან.
სამარცხვინო ღლიცინი პარლამენტის თავმჯდომარის, კახა კუჭავას განცხადებაზე, რომ რაჭაში ნაპოვნია წარმოუდგენელი არტეფაქტები, რომლებიც ადასტურებენ ათასწლეულების წინ, რაჭასა და ეგვიპტეს შორის პირდაპირ ვაჭრობას, გახლავთ დამცინავი სუბიექტების თვითლუსტრირება გაუნათლებლობაზე!
“ქედმაღალ” ფუყე თავთავებს არც კი გაუგიათ ბრილის სამაროვანის (არქეოლოგიური ძეგლი ონის მუნიციპალიტეტში) შესახებ, არც ისიც იციან თუ რა ინახება ონის მხარეთმცოდნეობის მუზეუმში, სხვა სამეცნიერო ნაშრომებზე ხომ საუბარიც კი ზედმეტია,” – წერს გია აბაშიძე სოციალურ ქსელში.
კომენტარები