„ქართული ოცნება – დემოკრატიული საქართველოს“ ხაშურის მერობის კანდიდატი თენგიზ ჩიტიაშვილი ცოცხნარის, ცივწყაროს, ოძისის, ნარვანის, ქემფერის, წაბლოვანის და ცედანის მოსახლეობას შეხვდა. ამის შესახებ ინფორმაციას პარტია ავრცელებს.
„საკმაოდ ნაყოფიერი შეხვედრები გვქონდა. მოსახლეობის ძირითად პრობლემას წარმოადგენს გზა, რომლის საპროექტო სამუშაოები უკვე დაწყებულია და 2022 წლის ბოლოს დასრულდება გზის საფარის დაგება.
რაც შეეხება წყლის სისტემას, მოეწყო სათავო ნაგებობა, მოხდა დაქსელვა და ამ ეტაპზე მცირეოდენ პრობლემას წარმოადგენს სეზონურად წყლის დებეტის კლება.
დარწმუნებული ვარ, ერთობლივი ძალებით, უკეთესობისკენ შევცვლით ჩვენს მუნიციპალიტეტს”, – აღნიშნა თენგიზ ჩიტიაშვილმა.
კომენტარები