“ქართული ოცნება” ჯამბაზების გუნდია – ია ფარულავა

მსახიობი ია ფარულავა, რომელიც რუსთაველის გამზირზე იმყოფება, ამბობს, რომ ხალხი, რომელიც მოდუნებული იყო, ისევ დაიმუხტა:

იგი “ქართულ ოცნებას” ჯამბაზების გუნდს უწოდებს და ამბობს, რომ ქვეყნის ცირკად გადაქცევა მათ არ გამოუვათ.

“დიდი ხანია ამდენი ხალხი აქ არ შეკრებილა და უკვე კარგი ნიშანია. მე პირდაპირ გეტყვით, რა მაქვს დასამალი –  მე რევოლუციის, დღეს რომ მოხდება, არ მჯერა, მაგრამ ეს უკვე რევოლუციაა ჩემთვის, იმ გაგებით, რომ ხალხი კიდევ ერთხელ შეკავშირდა იმიტომ, რომ ამ ნიჰილიზმმა, რომელიც იყო დაგროვილი ჩვენში, ამდენმა უარყოფითმა ენერგიამ, ცოტა მოადუნა ხალხი, მაგრამ დღეს ერთად ვართ და ეს არის მთავარი.

“ქართული ოცნების” ნათქვამზე ჩვენ როდის იყო, გვჯეროდა ან დავდიოდით, ეგენი არიან ჯამბაზების გუნდი, რომელთაც უნდათ, რომ ჩვენც ცირკად გვაქციონ, – ამბობს ფარულავა.