რუსეთმა შეთანხმება ისევ დაარღვია – პუტინი ომს არ ასრულებს. რუსეთ-უკრაინის მოლაპარაკებებიდან პირველივე ღამეს რუსულმა არმიამ კიევი სამჯერ დაბომბა. დაპირების მიუხედავად, რუსული ბომბები კიევში, ხარკოვში ხმელნიცკში და ლუგანსკის ოლქში ერთდროულად ცვიოდა. დაბომბილია საცხოვრებელი ზონები და მშვიდობიანი მოქალაქეები.
ამ დრომდე მძმე მდგომარეობაა მარიუპოლში. ქალაქში ისევ ჰუმანიტარული კატასტროფაა. ვერ ხერხდება ჰუმანიტარული დერეფნების შექმნა, თუმცა უკრაინული მხარე მცდელობებს არ წყვეტს.
ერთ-ერთი ადგილობრივი, რომელმაც ქალაქიდან გასვლა შეძლო, ნაომარ მარიუპოლში ყოფნას ოჯოხეთს უწოდებს.
ჩვენ ღამეებს სარდაფში ვათენებდით. წყლის გარეშე, გაზისა და გათბობის გარეშე, საკვების გარეშე. ფაქტობრივად, არაფერი გვქონდა. მამაკაცები ცეცხლზე უმზადებდნენ ქალებს და ბავშვებს საჭმელს. დაბომბვებიოს ქვეშ, მუდმივი საჰაერო დარტყმების ქვეშ. საჰაერო თავდასხმის სიგნალიზაცია არ მუშაობდა, მობილური სიგნალს ვერ იჭერდა. არ შეგვეძლო ვინმესთან დაგვერეკა დახმარების სათხოვნელად. რუსები მოვიდნენ და გვითხრეს, შეგიძლიათ დღეს წახვიდეთო. საღამოს 6 საათზე დაიწყო კომენდანტის საათი. ასე რომ,. ყველანაირი ბარგისა და ტანსაცმლის გარეშე წავედით. ყველაფერი, რაც გვინდოდა, სიჩქარის გამო ეზოში დაგვრჩა. ეს არის ნამდვილი ჯოჯოხეთი. ახლა ვერ ვპოულობ ბევრ ოჯახს, რომელიც იქ დარჩა ბავშვებთან ერთად. ისინი გაუჩინარდნენ, მე მათ ვერ ვუკავშრდები, – ამბობს მარიუპოლიდან გამოქცეული ერთ-ერთი ადგილობრივი.
კომენტარები