გაეროში რუსეთის წარმომადგენელმა გაიმეორა მოსკოვის ადრინდელი პასუხი და უარყო მონაწილეობა პოლონეთში სასიკვდილო აფეთქებაში და განაცხადა – მტკიცებულებების წარდგენის გარეშე – ინციდენტი ნატოს უშუალოდ უკრაინის ომში ჩართვის მცდელობაა.
“ფაქტები მიუთითებს იმაზე, რომ რუსეთს არავითარი კავშირი არ ჰქონდა პოლონეთის ტერიტორიაზე მოხვედრილ რაკეტებთან. პოლონეთში მომხდარი ინციდენტი არის ნატოსა და რუსეთს შორის პირდაპირი სამხედრო შეტაკების პროვოცირების მცდელობა“,- დაწერა გაეროში რუსეთის მუდმივი წარმომადგენლის პირველმა მოადგილემ დიმიტრი პოლიანსკიმ Telegram-ზე.
ორი ადამიანი დაიღუპა სამშაბათს, როდესაც პოლონეთის ხელისუფლების თქმით, “რუსული წარმოების რაკეტა” ჩამოაგდეს სოფელ პრჟევოდოვთან, უკრაინის საზღვრიდან დაახლოებით 6,4 კილომეტრის დაშორებით. ეს მოხდა დაახლოებით იმავე დროს, როდესაც რუსეთმა ერთ-ერთი ყველაზე ძლიერი და მასშტაბური სარაკეტო იერიში მიიტანა უკრაინაზე.
კომენტარები