ცნობილი ესპანელი ტენორი პლასიდო დომინგო ახალი კორონავირუსთან დაკავშირებული გართულებების გამო მექსიკის ერთ-ერთ საავადმყოფოში გადაიყვანეს, – ამის შესახებ CNN-ი წერს.
„ის თავს კარგად გრძნობს და მკურნალობას ექვემდებარება,“- განაცხადა პლასიდო დომინგოს პრეს-სპიკერმა.
ცნობისთვის, ერთი კვირის წინ, მომღერალმა სოციალურ ქსელში დაწერა, რომ ის თავის ოჯახთან ერთად თვითიზოლაციაში იმყოფებოდა.
„ამჟამად ყველა კარგად ვართ, მაგრამ მე მქონდა ცხელება და ხველება. ამის გამო გადავწყვიტე ტესტი გამეკეთებინა და ის დადებითი აღმოჩნდა.
მე ყველას ვთხოვ, იყვნენ ფრთხილად და მიყვნენ რეკომენდაციებს, გააკეთეთ ყველაფერი, რათა შეაჩეროთ ვირუსი. ჩვენ ერთად ყველამ შეგვიძლია შევაჩეროთ ის“,- წერდა მომღერალი.
კომენტარები