ფოთში მკვლელობის საქმეზე დაკავებულ შალვა შალიკაშვილისთვის აღკვეთის ღონისძიების შეფარდებაზე ზუგდიდის რაიონულმა სასამართლომ იმსჯელა. პროცესი დისტანციურად გაიმართა.
ადვოკატებმა სასამართლოს ბრალდებულის გათავისუფლების სანაცვლოდ გირაო შესთავაზეს, თუმცა იგი არ დაკმაყოფილდა და შალიკაშვილს აღმკვეთი ღონისძიების სახით, პატიმრობა შეეფარდა. შალიკაშვილი ბრალს ამ დრომდე არ აღიარებს.
ადვოკატები სასამართლოს დღევანდელი გადაწყვეტილების გასაჩივრებას სააპელაციო სასამართლოში გეგმავენ.
4 თებერვალს, ფოთში ჭავჭავაძის ქუჩაზე, ახალგაზრდა კაცი საკუთარ მანქანაში ჩაცხრილეს. მკვლელობის მოტივად შურისძიება სახელდება. პოლიციამ სავარაუდო დამნაშავე რამდენიმე წუთში ცხელ კვალზე დააკავა.
კომენტარები