ფლორიდის შტატის გუბერნატორმა, რონ დესანტისმა ხელი მოაწერა კანონს, რომლის თანახმად, ბავშვებს ეკრძალებათ ანგარიშების შექმნა სოციალურ ქსელებში. ინფორმაციას ამის შესახებ სააგენტო Reuters-ი ავრცელებს.
„გუბერნატორმა დესანტისმა ხელი მოაწერა კანონს, რომლის თანახმად, 14 წლამდე ბავშვებს ეკრძალებათ სოციალურ ქსელებში ანგარიშების შექმნა, ხოლო 14 და 15 წლის ბავშვებს სოციალურ ქსელებში ანგარიშების შექმნა მხოლოდ მშობლების თანხმობით შეეძლებათ“, – ნათქვამია განცხადებაში.
გუბერნატორმა აღნიშნა, რომ სოციალური ქსელები ბავშვებს მრავალმხრივ ავნებს და ახალი რეგულაცია მშობლებს საშუალებას მისცემს უკეთ დაიცვან ბავშვები სოციალურ ქსელებში განთავსებული მავნე მასალებისგან.
კომენტარები