ფინეთის ექს-პრემიერმა ესკო აჰომ, რომელიც რუსული სახელმწიფო ბანკის – СберБанк-ის სამეთვალყურეო საბჭოს წევრი იყო, თანამდებობის დატოვების გადაწყვეტილება მიიღო – ამის შესახებ ინფორმაციას რუსული Interfax-ი ავრცელებს. აჰო ამ პოსტს 2016 წლიდან იკავებდა.
Ria Novosti-ის თანახმად, ანალოგიური გადაწყვეტილება მიიღო ყოფილმა კანცლერმა კრისტიან კერნმა, რომელმაც რუსეთის სახელმწიფო რკინიგზის РЖД-ის საბჭოს წევრი იყო.
„დღეს დილით შევატყობინე რუსეთის რკინიგზის ხელისუფლებას, რომ ვტოვებ უფლებამოსილებას დირექტორთა საბჭოში დაუყოვნებლივ. წუხელ რუსეთის რკინიგზა ფაქტობრივად სამხედრო ლოგისტიკის ნაწილი გახდა. მე ღრმად ვწუხვარ ამის გამო“, – განაცხადა კერნმა Standard edition-ისთვის.
უკრაინაში რუსეთის ფედერაციის მიერ სამხედრო მოქმედებების დაწყების შემდეგ უკრაინის პრეზიდენტმა ვლადიმერ ზელენსკიმ ქვეყნის მასშტაბით საომარი მდგომარეობა გამოაცხადა; ქვეყანაში დაიხურა საჰაერო სივრცეც. რუსეთმა სარაკეტო დარტყმები განახორციელა უკრაინულ ქალაქებზე. უკრაინის პრეზიდენტის გადაწყვეტილებით, ქვეყანა რუსეთთან დიპლომატიურ კავშირს წყვეტს.
აშშ, ევროკავშირი და დიდი შვიდეული რუსეთის მიმართ ახალი ეკონომიკური სანქციების დაწესებაზე იმსჯელებენ, დღესვე ბორის ჯონსონმა NATO-ს საგანგებო სხდომის მოწვევისკენ მოუწოდა. ლიდერების შეხვედრა ხვალ, 25 თებერვალს, ონლაინ გაიმართება.
კომენტარები