ოკუპირებული სოფელ ავნევის სიახლოვეს, მდინარე ფრონეზე, არგენტინული მახრჩობელა გველი – ბო იპოვეს.
ინფორმაციას Qartli.ge ცხინვალელ ჟურნალისტზე, ვლადიმერ გაბაევზე დაყრდნობით ავრცელებს.
თავიდან პითონივით მომეჩვენა. მაგრამ სანდოობისთვის ჩემს რუს კოლეგებს დავუკავშირდი. რუსეთის მეცნიერებათა აკადემიის ზოოლოგიური ინსტიტუტის თანამშრომელმა კონსტანტინე მილტომ დაადგინა, რომ გველი არგენტინული გველია – ბოა. ასეთი გველები ადამიანებთან ახლოს არიან, ბუნებაში არ ცხოვრობენ, იკვებებიან სახლში, – ამბობს გაბაევი გამოცემასთან.
გამოცემის ცნობით, ოკუპირებულ ცხინვალში ვარაუდობენ, რომ გველი ერთ-ერთ მცხოვრებს, რომელიც 2021 წელს გარდაიცვალა, მოშინაურებული ჰყავდა. სავარაუდოდ, სწორედ მისი გარდაცვალების შემდეგ გავიდა ის ბუნებაში.
კომენტარები