რუსეთის საოკუპაციო არმიამ 14 დეკემბრის ღამეს ოდესის ოლქზე მორიგი შეტევა განახორციელა. ცნობილია, რომ დაზიანდა სამოქალაქო ინფრასტრუქტურის ობიექტები, მათ შორის – ენერგეტიკის სფერო.
ოდესის ოლქის ადმინისტრაციის ხელმძღვანელის, ოლეგ კიპერის ინფორმაციით, მტერმა ოდესის ოლქის ტერიტორიაზე მასირებული შეტევა განახორციელა დამრტყმელი უპილოტო აპარატების გამოყენებით. დაფიქსირდა ენერგეტიკული, სატრანსპორტო, სამრეწველო და სხვა სამოქალაქო ინფრასტრუქტურის ობიექტების დაზიანება.
დაშავებულების შესახებ ინფორმაცია არ გავრცელებულა. კიპერის თქმით, ადგილზე ყველა შესაბამისი სამსახური მუშაობს. მოსახლეობის დასახმარებლად განთავსებულია „მდგრადობის პუნქტები“, ხოლო კრიტიკული ინფრასტრუქტურა გენერატორებზე ფუნქციონირებს.
„ყველაფერი კეთდება, რათა მორიგი შეტევის შედეგები რაც შეიძლება სწრაფად იქნას ლიკვიდირებული,“ – წერს კიპერი.
კომენტარები