ნაციონალური მოძრაობის წევრის ნიკა ობოლაძის განცხადებით, 7 ნოემბერთან დაკავშირებით მაშინდელმა ხელისუფლებამ პოლიტიკური პასუხისმგებლობა აიღო.
“იმაზე, რაც მოხდა 14 წლის წინ, პოლიტიკური პასუხისმგებლობა აიღო მაშინდელმა ხელისუფლებამ, მაგრამ ამაზე ბევრი დროის ხარჯვა, ამის შეფასებაში შესვლა 14 წლის შემდეგ, მაშინ, როდესაც დღეს ხელიდან გვეცლება ქვეყნის მესამე პრეზიდენტი, მაშინ, როდესაც დღეს გვაქვს სიტუაცია, რომ ქვეყანა შეიძლება, შევიდეს ისეთ უარყოფით სპირალში, საიდანაც გამოსვლას ათწლეულები დასჭირდეს, უმჯობესი ინება წლევანდელი წლის 7 ნოემბერზე გავაკეთოთ აქცენტი, დღეს შევხედოთ, რა არის ქვეყნის მომავალი, რა არის ქვეყნის აწმყო და დღეს ვიმოქმედოთ.
14 წლის წინანდელი ამბები არის მნიშვნელოვანი, 14 წლის წინანდელი ამბები არის გასაანალიზებელი, 14 წლის წინანდელ ამბებზე პასუხისმგებლობა არის აღებული, მაგრამ დღეს არანაკლებ მნიშვნელოვანია, რა ხდება ამ წლის 7 ნოემბერს, რა ხდება ახლა, როდესაც ვკარგავთ ქვეყანას და ვკარგავთ მომავალს, რადგან საქართველოს მესამე პრეზიდენტი კვდება საკანში. დამოუკიდებელი საქართველოს ისტორიაში სამი პრეზიდენტიდან, პირველი პრეზიდენტი ზვიად გამსახურდია მოკვდა და ვერ დავიცავით, გამოდის, რომ მესამე პრეზიდენტის სიცოცხლის საფრთხეც არის რეალური, ეს არის ტრაგედია ამ ქვეყნისთვის“, – აღნიშნა ნიკა ობოლაძემ.
კომენტარები