„ნაციონალური მოძრაობის“ თავმჯდომარე, ნიკა მელია:
„ჩვენთვის ახლაც, კვლავ რჩება მთავარ საზრუნავ საკითხად, რაც დღემდე გადაუჭრელია – მოხერხდეს მიხეილ სააკაშვილის გადაყვანა საზღვარგარეთ შესაბამის სამედიცინო დაწესებულებაში… შევედით კულმინაციურ ფაზაში, როდესაც მოსამართლემ უნდა მიიღოს გადაწყვეტილება – ან მიხეილ სააკაშვილისთვის სიცოცხლის შენარჩუნების სასარგებლოდ, ან მორალურად და ზნეობრივად სასიკვდილო განაჩენის გამოტანა უნდა შეძლოს ხელისუფლების დავალებით. „ნაციონალური მოძრაობის“ მთელი ძალისხმევა მიმართული იქნება ამ სასამართლო პროცესებისკენ…
რაც შეეხება იმას, რა ბერკეტების გამოყენებას აპირებს „ნაციონალური მოძრაობა“, ამაზე მელია ასეთ განმარტებას აკეთებს:
„დარწმუნებული ვარ, ყველა ის ლეგიტიმური შესაძლებლობა, რომელიც მოემსახურება მიხეილ სააკაშვილის სიცოცხლის შენარჩუნებას, ამოქმედებული იქნება… ხელისუფლებამ კარგად უნდა გააცნობიეროს, რომ სასიკვდილო განაჩენთან შემგუებლობა ბევრი ადამიანისთვის გამორიცხული იქნება. საკითხი ქვეყნის მესამე პრეზიდენტს და მიხეილ სააკაშვილს, როგორც „ნაციონალური მოძრაობის“ დამფუძნებელს არ ეხება, საკითხი ეხება იმას, რომ როგორც ადამიანს, ისე ებრძვიან. მისი სიცოცხლის განადგურებისთვის იდგმება კონკრეტული ნაბიჯები, რასაც საზოგადოება წინ აღუდგება.“
კომენტარები