„ნაციონალურ მოძრაობაში“ უარყოფენ ინფორმაციას, რომ გიორგი მარგველაშვილი პარტიის თავმჯდომარე ხდება

„ერთიანი ნაციონალური მოძრაობა“ უარყოფს გავრცელებულ ინფორმაციას იმის შესახებ, რომ საქართველოს ყოფილი პრეზიდენტი, გიორგი მარგველაშვილი პარტიის თავმჯდომარე ხდება.

„სრული სისულელე და მოგონილი ჭორია“, – განუცხადეს „იმედინიუსს“ „ნაციონალური მოძრაობის“ პრესსამსახურში.

პარტიაში არც იმას ადასტურებენ, რომ გიორგი მარგველაშვილს „ნაციონალური მოძრაობის“ თავმჯდომარეობა მიხეილ სააკაშვილმა შესთავაზა.

„რუსთავი 2-მა“ გაავრცელა ინფორმაცია, რომლის თანახმადაც, საქართველოს ყოფილი პრეზიდენტი გიორგი მარგველაშვილი „ერთიანი ნაციონალური მოძრაობის“ თავმჯდომარე ხდება.