ნატოს ელჩები ოთხშაბათს, 16 ნოემბერს, პოლონეთის მოთხოვნით, ალიანსის მე-4 მუხლის საფუძველზე, რუსული რაკეტის დარტყმის შემდეგ შეხვედრას გამართავენ, – ამის შესახებ ინფორმაციას „როიტერი“ ავრცელებს.
როგორც ორმა ევროპელმა დიპლომატმა განუცხადა Reuters-ს, ალიანსი სიფრთხილით იმოქმედებს და დრო დასჭირდება იმის გადამოწმებისთვის, თუ როგორ მოხდა ინციდენტი.
ნატოს დამფუძნებელი ხელშეკრულების მე-4 მუხლის თანახმად, წევრებს შეუძლიათ წამოაყენონ ნებისმიერი საკითხი, რომელიც შეშფოთებას იწვევს, განსაკუთრებით თუკი ეს წევრი ქვეყნის უსაფრთხოებას უკავშირდება.
ცნობისთვის, პოლონეთში, უკრაინის საზღვართან, ორი რუსული რაკეტა ჩამოვარდა. დაიღუპა სულ მცირე 2 ადამიანი.
კომენტარები