ფსიქოლოგი ნათია ფანჯიკიძე მეუღლის, ირაკლი ალასანიას შესახებ დასმულ შეკითხვებს ჟურნალ „სარკესთან“ პასუხობს.
თქვენი ქმარი სიმპათიური მამაკაცია. ცნობილია ფაქტი, როდესაც საპრეზიდენტო არჩვენების დღეს ერთ-ერთმა ამომრჩეველმა ბიულეტენში ყველა კანდიდატი გადახაზა, ირაკლი ალასანია ჩაამატა და მის გარშემო გული შემოხაზა. ასეთ რაღაცებზე არ ეჭვიანობთ?
ნათია ფანჯიკიძე:
ირაკლი ნამდვილად სიმპათიურია და რა ვქნა, რა გავაკეთო? მეც შევსწრებივარ მსგავს რაღაცებს, მაგრამ კარგი რეაქცია მაქვს. ახლა თქვენ ჩემს ოთახში შემოხვედით, ეს ჩემი სამყაროა და, თუ მოგეწონებათ, გამიხარდება. ასევეა ირაკლის შემთხვევაშიც, მის მიმართ ასეთ რაღაცებს რომ ამბობენ, პოზიტიურად განვეწყობი. რა თქმა უნდა, საეჭვიანო ფაქტს სასიამოვნოდ ვერ აღვიქვამ, ეს რომ გითხრათ, ტყუილი იქნება, მაგრამ თუ ეს ადამიანური, კარგი ემოციაა, ნამდვილად არ მწყინს. პირიქით, ხუმრობით ვამბობ ხოლმე, დიახაც, ჩემთვის საუკეთესოს ვირჩევ-მეთქი.
კომენტარები