სააპელაციო სასამართლომ “ლეიბორისტული პარტიის” ლიდერის, შალვა ნათელაშვილის სარჩელი არ დააკმაყოფილა და მოსამართლე მერაბ ლომიძემ საქალაქო სასამართლოს გადაწყვეტილება ძალაში დატოვა.
ამ ე.წ. გადაწყვეტილებით კიდევ ერთხელ დადასტურდა, რომ საქართველოში არ არსებობს არანაირი სასამართლო მითუმეტეს კანონიერება და სამართლიანობა. არსებობს ერთი კაცის რეპრესიული აპარატი, რომელიც შეკვეთების მიხედვით აქვეყნებს ვერდიქტებს. მე მას ვპირედები, აუცილებლად საბრალდებო სკამი ელოდება, ამ დრაკონს აუცილებლად მოვიცილებთ”, – ამბობს შალვა ნათელაშვილი.
სააპელაციო სასამართლომ საქმის წარმოება 3 წლის დაგვიანებით დაიწყო.
პარტიის ლიდერმა ოლიგარქს ცილისწამების ფაქტზე უჩივლა. საქმე ეხება 2016 წელს ბიძინა ივანიშვილის მიერ გაკეთებულ განცხადებას, როდესაც მან ნათელაშვილი რუსეთთან პირდაპირ კავშირში დაადანაშაულა.
კომენტარები