მამუკა გამყრელიძე: ბაიდენი ისევ გამოენთო და უკრაინა გააფრთხილა… ეს ისტერიას ძალიან ჰგავს მედიაში 2020-ის კოვიდ ისტერიას, – ამის შესახებ “ევროპელი დემოკრატების” ერთ-ერთი ლიდერი მამუკა გამყრელიძე სოციალურ ქსელში წერს:
“ბაიდენი ისევ გამოენთო და პრესკონფერენციაზე უკრაინა “გააფრთხილა”, რომ ომის საშიშროება ძალიან მაღალია. ჩაიხვია ტიპმა !
როგორც ჩანს პანიკის ბაიდენისეული თესვა უკრაინას საკმარისზე მეტად მობეზრდა და უკრაინის ვიცე პრემიერმა ირინა ვერეშჩუკმა საკმაოდ მკვახე განცხადება გააკეთა და აღნიშნა, რომ იმ “აპოკალიპტურ” სურათთან, რომელსაც მედია და ზოგიერთი პოლიტიკოსი ხატავს არაფერი აქვს საერთო რეალობასთან და ადამიანებს ამ “პირველ მსოფლიო ჰიბრიდულ ომში” ინსტრუმენტებად იყენებენ.
რთულია არ დაეთანხმო. მთელი ეს ისტერია ძალიან ჰგავს 2020-ის კოვიდ ისტერიას მედიაში. როგორც ჩანს მაშინ მეთოდოლოგია დატესტეს,” – წერს გამყრელიძე.
კომენტარები