“ლეიბორისტული პარტიის” ლიდერმა, შალვა ნათელაშვილმა, აშშ-ში კონგრესმენებთან გამართული შეხვედრები შეაჯამა. ოპოზიციონერი ლიდერის თქმით, საქართველოში არსებული მძიმე კრიზისის ფონზე, მსოფლიოში პროცესები საქართველოს საწინააღმდეგოდ მიმდინარეობს.
ნათელაშვილმა ის საკითხები ჩამოთვალა, რომელზეც აშშ-ში მსჯელობენ.
დამთავრდა ჩემი ვიზიტი აშშ-ში. სანამ ჩვენ ღრმად ვართ ჩაფლული შიდა პოლიტიკურ, უმძიმეს, კრიზისში, მსოფლიოში პროცესები ვითარდება არა ჩვენს სასარგებლოდ. აშშ-ს უმაღლეს წარმომდგენლობით და საკანონმდებლო ორგანოში გაიმართა ათეულობით კონგრესმენთან ძალიან საფუძვლიანი მეგობრული და დეტალური შეხვედრა საქართველოს ბედსა და მის მომავალზე. მოკლედ გეტყვით, რა საკითხები იქნა განხილული. პირველი – საქართველოს არ შესვლა ე.წ. სამი პლიუს სამში, ანუ საქართველოს არდაბრუნება რუსეთთან, ირანთან და თურქეთთან, რასაც გვიმზადებენ ჩვენი ისტორიული მტერ-მოყვარენი. მეორე, კონგრესის მიერ სპეციალური რეზოლუციის მიღება, რომელიც დაგმობს საქართველოს „ლეიბორისტული პარტიის“ აკრძალვას იმის გამო, რომ ჩვენ სიტყვა შევასრულეთ და არ დავუმშვენეთ გვერდი ივანიშვილის გაყალბებულ პარლამენტში შესულ დეპუტაციას. მესამე, ივანიშვილის მრავალმილიარდიანი ჩვენგან მოპარული ქონების სრული სანქცირება და დაპატიმრება-დაყადაღება აშშ-ს, ევროპის ბანკებში ოფშირულ ზონებში და ახალი საპარლამენტო არჩევნების რაც შეიძლება დაუყოვნებლიც ჩატარება, – განაცხადა ნათელაშვილმა.
კომენტარები