ლეიბორისტული პარტიის ლიდერი შალვა ნათელაშვილი ვახო ფიცხელაურზე თავდასხმას ეხმაურება:
,,ვგმობ გორელ საპროტესტო აქტივისტზე, ვახო ფიცხელაურზე სახელისუფლო ზონდერების მხრიდან ბარბაროსულ თავდასხმას და მოვითხოვთ ყველა დამნაშავის უსწრაფეს დასჯას.“
შეგახსენებთ, გორში, წმინდაწყლის დასახლებაში სამოქალაქო აქტივისტი, ვახო ფიცხელაური 3-მა ნიღბიანმა გაიტაცა, მას ფიზიკურად გაუსწორდნენ.
,,მანქანა არ დამიძვრია, უნდა გავსულიყავი. აქ იდგა ფურგონი. უნდა გადავსულიყავი, რომ გავეტარებინე. თითქოს ვერ მიდიოდნენ და უნდა მივხმარებოდი, მივწოლოდი. ჩამსვეს ფურგონში და გამიტაცეს. აქედან დაახლოებით 6 კილომეტრში გამიტაცეს, ზემოთ მინდორია, იქ. უნდა მოვეკალი, გამოვექეცი. ვიცით ვინც ხარო და უნდა მოგკლათო. გამძარცვეს, ყველაფერი წამართმევს – ტელეფონი, გასაღები, საფულე. რაც დღეს ქვეყანაში ხდება პირდაპირ მაგას ვუკავშირებ – გამიზნულად დამხვდნენ. მაღაზიაში გავდიოდი. ვიცით რასაც აკეთებო და ვინც ხარო. ყველგან მირტყეს, სახეზე ვაფარებდი. ყველგან ნაცემი ვარ, სულ სისხლიანი მაქვს ყველაფერი” – განაცხადა ფიცხელაურმა.
კომენტარები