დიპლომატი ზურაბ ფარჯიანი ნინო წილოსანის ,,ქარდს” აზიარებს და წერს:
,,ჯანდაცვის მინისტრის პირველი მოადგილე – დააკავეს მექრთამეობისთვის და 500.000 გირაოს გადახდის მერე გაუშვეს.
ინფრასტრუქტურის მინისტრი სადაა დაკარგული არავინ ვიცით, მაგრამ მისი მოადგილეც მექრთამეობისთვის იყო დაკავებული და ისიც ნახევარი მილიონი გირაოთი გაუშვეს.
გზათა დეპარტამენტის უფროსის მოადგილე მგონი ჯერ ისევ დაჭერილია.
თბილისის ბაღების სააგენტოს უფროსმა იმდენი “ჭამა”, ამერიკაში გაიქცა და იქ ცხოვრობს მდიდრულად.
ბაღის ბავშვების საკვების მოპარვა კი სხვა “გმირობებთან” ერთად გრიგოლ ლილუაშვილს ბრალდება.
სკოლები კიდევ წლებია დანგრეულია და არაფერი ეტყობათ აშენების.
ჯანდაცვის სამინისტროსთან კვირეებია სასიკვდილოდ განწირული ბავშვების მშობლები დგანან და არაფერი ხეირი.
მათთვის ფული არ არის.
ჰო-და ეს “დღგ” ვის ან რას ხმარდება?!
რომელ გზას, რომელ ჯანდაცვას, რომელ ბაღს, რომელ სკოლასა და რომელ ინფრასტრუქტურას?
ვის გამდიდრება-გაღორება და გაზულუქებას ხმარდება რეალურად?
მოქალაქესთან რა მიდის, მინისტრის მოადგილის მიერ აღებული ქრთამი?!
გააუქმეთ თქვენი ჭირიმე, ნუ გვამადლით.
და თავისით დაიწევს ბევრი რამის ფასი, 18% რომ მოაკლდება ავტომატურად ღირებულებას”
კომენტარები