“მომწერა, დე, თავისუფლად მინდა ვიყო, შენთან თავისუფლად ვარ, აქ ვერ ვარ თავისუფლადო” – რას ჰყვებიან დაკარგული მოზარდის მშობლები?

თით­ქმის ერთი თვეა ბა­თუმ­ში და­კარ­გულ 14 წლის მო­ზარდს, ალექ­სან­დრე მი­ქე­ლა­ძეს უშე­დე­გოდ ეძე­ბენ. იგი 16 იან­ვარს, 22 სა­ა­თი­დან გა­უ­ჩი­ნარ­და და მას შემ­დეგ კვალს ვერ­სად მი­აგ­ნეს. ალექ­სან­დრე ბა­თუ­მის წმინ­და ან­დრია პირ­ველ­წო­დე­ბუ­ლის სა­ხე­ლო­ბის გიმ­ნა­ზი­ის მე­ცხრე კლა­სის მოს­წავ­ლეა.

ცნო­ბი­ლია მხო­ლოდ ის, რომ მისი პი­რა­დი ნივ­თე­ბი და ტე­ლე­ფო­ნი ზღვის სა­ნა­პი­რო­ზე, სკამ­ზე იპო­ვეს, თურ­მე კა­მე­რებ­ში ჩანს, სა­ნა­პი­როს­კენ მი­მა­ვა­ლი ბი­ჭიც და მას შემ­დეგ კვა­ლი ქრე­ბა.

მშოვ­ლე­ბი უბე­დურ შემ­თხვე­ვას და ამ­ბის ცუდ და­სას­რულს გა­მო­რი­ცხა­ვენ, ვა­რა­უ­დო­ბენ, რომ ალექ­სან­დრეს სე­საძ­ლოა ჰყავ­დეს ხელ­ძემ­წყო­ბი, ვინც და­მალ­ვა­ში ეხ­მა­რე­ბა.

“მე რაც ვნა­ხე ბოლო კად­რი ის არის, რომ ბულ­ვარ­ში ხიდ­თან სა­ფეხ­მავ­ლო ბი­ლიკს გა­და­დის. ამ ხიდ­თან მი­სულს, აქვს პოს­ტი და­დე­ბუ­ლი… ძვე­ლი ბულ­ვა­რის ბო­ლოს არის ხიდი, რო­მე­ლიც შე­დის ზღვა­ში, მაგ­რამ ხიდ­ზე, არ არის ზე­ვი­დან გა­და­სუ­ლი. იმი­ტომ ვვა­რა­უ­დობ, რომ ვი­ღაც ხელ­შემ­წყო­ბი შე­იძ­ლე­ბა ჰყავ­დეს, ვინც ხელს უწყობს და­მალ­ვა­ში. უბე­დურ ამ­ბავს გა­მოვ­რი­ცხავთ, რად­გან მისი ქურ­თუ­კი იყო და­კე­ცი­ლი, ტე­ლე­ფო­ნი ავია რე­ჟიმ­ზე იყო და­ყე­ნე­ბუ­ლი. არ არ­სე­ბობს, რომ ადა­მი­ა­ნი ცუდ­ზე ფიქ­რობ­დეს და ასე­თი რამ გა­ა­კე­თოს” – თქვეს ნა­თია დი­აკ­ვნიშ­ვილ­მა და ნუგ­ზარ მი­ქე­ლა­ძემ “ნა­ნუ­კას შო­უ­ში”.

და­კარ­გუ­ლი მო­ზარ­დის დე­დამ შვილ­თან ბოლო სა­უ­ბა­რიც გა­იხ­სე­ნა:

“მი­თხრა რომ – დე, ფული არ მჭირ­დე­ბა მე. წინა ღა­მეს გვი­ან და­მი­რე­კა, სა­უბ­რი­სას მი­თხრა, მოგ­წერ რა­ღა­ცა­სო. ხმა­მაღ­ლა არ უნ­დო­და, ალ­ბათ რომ ეთ­ქვა და მომ­წე­რა, რომ – დე, თა­ვი­სუფ­ლად მინ­და ვიყო, შენ­თან თა­ვი­სუფ­ლად ვარ, აქ ვერ ვარ თა­ვი­სუფ­ლად”, – ამ­ბობს ნა­თია დი­აკ­ვნიშ­ვი­ლი, ალექ­სან­დრეს დედა.